تحضيرالتبوله

ما بتعرف تعمل سندويشات كمان دودو؟
كنت حطيت لنا كيف تحضر سندويش جبنة او لبنة وخيار او زبدة ومربى :D

انا رح احط طريقة تحضير التبولة لأن أكثر من مرة سألوني عنها:
طبعا المقادير حسب عدد الأشخاص وانا رح اعتبر تقريبا لثلاث او أربع أشخاص وتزيد المقادير مع أزدياد العدد :
1- ربطتين بقدونس طازج 2- نصف ربطة نعنع 3- ربطة بصل أخضر 4- تقريبا نصف كيلو بندورة يعني خمس حبات بندورة حمراء قاسية
5 -خس عربي
ملح - ملعقة صغيرة عصير رمان رشة نعنع يابس - زيت زيتون أصلي (ويلي بيعرف السماق كمان رشة سماق)
وعلى جنب نحضر 2\1 كوب عصير حامض ( lemon) مع ملعقتين كبار برغل ناعم

نغسل ورق البقدونس والنعنع جيدا ونتركهم يتصفوا من الماء بعد ذلك نفرهم فرم ناعم
نغسل البصل الأخضر ونجففهم من الماء ونفرهم فرم ناعم
والبندورة كذلك تفرم مربعات صغيرة
يعني كل الخضار المفروض يكون كله مفروم ناعم وذات الحجم متناسق مع بعضه (انا لما بعمل التبولة بضيف لها حبة خيار (فقوس ) وايضا قليل من الخس مفروم ناعم اضافة للخضار يلي انذكروا فوق لحتى ما تكون ناشفة
وهيدا شي اختياري مش من المكونات الأساسية
اول شي نضيف البندورة المفرومة وملعقة عصير الرمان مع البرغل الناعم والحامض يلي حضرناهم على جنب
بعد ذلك نخلط كل الخضار المفروم مع بعض
ونضيف عليهم البندورة والحامض والبرغل وعصير الرمان ونضع زيت زيتون وملح ورشة النعنع اليابس ورشة السماق
وهيك بتكون التبولة جاهزة وتأكل مع ورق الخس
الف صحة وعافية

موضوع: رد: تحضيرالتبوله الأحد مايو 04, 2008 2:31 am

مشكور اخ سفيرعلى الموضوع الرائع

تابع في التقدم الى الامام

تقبل مروري

تحياتي